В та же л?то(1255)... при?хаша татар? ко Бакот?, и приложися Мил?й к нимъ. Данилови же пошедшу на войну на литву и на Новъгородокъ...
Потом же Войшелкъ створи миръ с Даниломъ и выда дщерь Миндогдову за Шварна, сестру свою. И приде Холмъ к Данилу, оставивъ княжение свое и восприемь мниский чинъ. И вдасть Романови, сынови королеву, Новогородъкъ от Миндога и от себе и Вослонимь и Волковыескь и вс? городы, а самъ просися ити во Святую Гору. И наиде ему король путь у короля угорьского. И не може доити Святое Горы и воротися в Болгар?хъ.
1257 Упоминание "яко Вышелкъ б? далъ Новогородокъ Романови"
1260 Потом же Данило король, ?хавъ, взя Волковыескъ и Гл?ба князя пославъ я, и держашеть и во чести, яко болма бо еха ко Волковыску, ловя яти ворога своего Вышелка и Тевтивила. И не удуси его в город?, искаше ею по стаемь, посылая люди, и не обр?т? ею. Б?ста бо велику лесть учинила: я Вышелгъ сына его Романа. И пакы посла Михаила, и воева по Зелеви, ища ею, и не обр?те ею. Потом же мысля ити на Городенъ, творя ею тамъ.
1262 Посем же сонм? минувшу л?ту одиному(т.е. 1263 год), и во осень убить бысть великий князь литовьский Миньдовгъ, самодержечь бысть во всей земли Литовьской. Убиство же его сиче скажемь.Бяше же у него сынъ Войшелкъ же, дъчи. Дщерь же отда за Шварна за Даниловича до Холма.
И Войшелкъ же нача княжити в Нов?городч?, в поганьств? буда, и нача проливати крови много. Убивашеть бо на всякъ день по три, по четыри. Которого же дни не убьяшеть кого, печаловашеть тогда. Колиже убьяшеть кого, тогда веселъ бяшеть. Посем же вниде страхъ Божий во сердце его, помысли в соб?, хотя прияти святое крещение. И крестися ту в Нов?городьц?, и нача быти во кр?стьяньств?. И по семь иде Войшелкъ до Галича к Данилови князу и Василкови, хотя прияти мниский чинъ. Тогда же и Вошелкъ хрести Юрья Лвовича. Тоже потомъ иде в Полонину ко Григорьеви в манастырь, и пострижеся во черньц?, и бысть в манастыри у Григорья 3 л?та, оттол? же поиде во Святую Гору, приемь благословление от Григорья. Григор?й же бяшеть челов?къ святъ, акого же не будеть перед нимь, и ни по немь не будеть.
Войшелкъ же не може доити до Свят?й Гор?, зане мятежь бысть великъ тогда в тыхъ землях, и приде опять в Новъгородокъ, и учини соб? манастырь на р?ц? на Немн? межи Литвою и Новымъгородъкомъ, и ту живяше.
1263По Миндовгов? же убитьи Войшелкъ убоявъся того же и б?жа до Пиньска, и ту живяшеть, а Тренята нача княжити во всей земл? Литовьской и в Жемоти. И посла по брата своего, по Товтивила, до Полотьска, река тако: «Брате, при?ди семо, розд?лив? землю и добытокъ Миндовъговъ». Оному же при?хавъшу к нему, и поча думати Товтивилъ, хотя убити Треняту, а Тренята соб? думашеть на Товтивила пакъ. И пронесе думу Товтивилову бояринъ его Прокопий полочанинъ. Тренята же попередивъ и убивъ Товтивила, и нача княжити одинъ. Посем же почаша думати конюси Миндовгови, 4 паробци, како бы лз? имъ убити Тренята. Оному же идущу до мовничи мыться, они же усмотр?вше соб? веремя такова, убиша Треняту. И тако бысть кон?ць убитья Тренятина.
Се же услышавъ Войшелкъ, поиде с пиняны к Новугороду, и оттол? поя со собою новгородц?, и поиде в Литву княжить. Литва же вся прияша и с радостью, своего господичича.
1264 Войшелкъ же нача княжити во всей земли Литовьской, и поча вороги сво? избивати, изби ихъ бещисленое множество, а друзии розб?гошяся, камо кто видя, и оного Остафья уби, оканьнаго, проклятаго, безаконьного, о немже перед? псахомъ.
Княжащу же Войшелькови в Литв?, и поча ему помагати Шварно князь, и Василко. Нареклъ бо бяшеть Василка отца соб? и господина.
(повтор)Посем же Шварно поиде в помочь Войшелкови, а Василко князь от себе посла ему помочь всю свою рать. Войшелкъ же нареклъ и бяшеть Василка аки отца соб? и господина.
И приде же Шварно с помочью в Литву к Войшелкови, и вид?въ Войшелкъ помочь Шварнову и Василкову, отца своего, и радъ бысть велми и нача пристраватися, и поиде в сил? тяжьц?, и нача городы имати во Дявелътв? и в Нальщанехъ. Городы же поимавъ, а ворогы своя избивъ, и тако поидоша восвояси.
1268 Княжащу Войшелкови во Литв? и Шварнови, иде литва на ляхы воевать, на Болеслава князя. Идоша мимо Дорогичинъ. Слуги же Шварновы идоша с ними же и воеваша около Скаришева и около Визълъж? и Торжьку, и взяша полона много.
Посем же Войшелкъ да княжение свое зятю своему Шварнови, а самъ опять восхот? прияти мниский чинъ. Шварно же моляшеться ему по велику, абы еще княжилъ с ними в Литв?, но Войшелкъ не хотяшеть, тако река: «Согр?шилъ есмь много перед Богомъ и челов?кы. Ты княжи, а земля ть опасена». Шварно же не може умолити его и тако нача княжити в Литв?, а Войшелкъ иде до Угровьска в манастырь ко святому Данилью, и взя на ся черн?чькии порты, и поча жити и в манастыр?, тако река: «Се ми зд? близъ мене сынъ мой Шварно, а другий господинъ мой отець князь Василко, и т?ма ся иму ут?шивати». Григор?й же Полониньскый и еще бяше живъ, наставникъ его. Войшелкъ же, вопрошавъ о живот? его, радъ бысть, посла по нь, река: «Господине отче, при?ди семо». Он же при?ха к нему и настави его на путь чернечький.
И в то веремя присла Левъ к Василкови, тако река: «Хот?лъ быхъ снятися с тобою, абы туто и Вошелкъ былъ». Василко же посла по Войшелка Страстно? н?дел?, тако река: «Прислалъ ко мн? Левъ, а быхом ся сняли. А не не бойся ничегоже». Войшелкъ же бояшеться Лва и не хотяшет ехати, но по?ха по Василкови рук?. И при?ха на Святой нед?л? в Володим?рь и ста в монастыр? святого Михаила Великого. Марколтъ же Н?м?чинь зва к соб? вс? княз? на об?дъ: Василка, Лва, Войшелка. И начаша об?дати, и пити, и веселитися. Василко же, напився, по?ха домовь спать. А Войшелкъ по?ха до манастыря, идеже стояшеть. И посемь Левъ при?ха к нему в манастырь и поча молвити Войшелкови: «Куме! Напиемся!» И начаша пити. Дьяволъ же искон?й не хотя добра челов?ческому роду, и вложи во сердце Лвови, и уби Войшелка завистью, оже бяшеть далъ землю Литовьскую брату его Шварнови. И такъ бысть кон?ць убиться его. Спрятавше тело его и положиша во церкви святаго Михаила Великаго.
Княжащю же по Войшелк? Шварнови в Литовьской земли, княживъ же л?тъ немного и тако преставися, и положиша т?ло его во церкви святой Богородиц? близъ гроба отня.